"The Catch" by Jessie Oonark
ᐱᔾᔪᑎᖃᖅᑐᖅ:
ᑐᓐᖓᓱᒋᑦ ᐅᕗᖓ ᓇᓂᓯᓂᖅ ᐃᓄᐃᑦ ᖃᐅᔨᒪᔭᑐᖃᖏᑦ , ᐅᕝᕙᓘᓐᓃᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᓴᐃᓗᑎᑦ ! ᖃᐅᔨᓴᐃᓗᑎᑦ ᑐᑭᓯᒋᐊᕐᕕᖕᒥᑦ ᐃᓕᓐᓂᐊᕐᓗᑎᒃ ᐃᓄᖕᓂᑦ ᓄᓇᕗᒥᓐᖔᖅᑐᓂᑦ ᑖᒃᑯᐊ ᓄᓇᖃᕐᓯᒪᔪᑦ ᐸᖅᑭᒡᖠᕐᓯᒪᓪᓗᑎᒡᓗ ᓄᓇᑦᑎᓐᓂᒃ ᐊᕐᕌᒍᒐᓴᖕᓄᑦ ᐅᓄᖅᑐᒻᒪᕆᖕᓄᑦ. ᐃᓄᒃᑎᑐᑦ, ᑖᓐᓇ ᐅᖃᐅᓯᖅ "ᓄᓇᕗᑦ" ᑐᑭᖃᖅᑐᖅ ᓄᓇᑦᑎᓐᓂᒃ.
ᖃᐅᔨᓴᐃᓗᑎᒃ ᐅᒥᐊᕐᔪᐊᒃᑯᑦ ᐊᐅᓪᓚᕐᓂᖅ ᑕᕆᐅᖓᓂ ᓄᓇᕗᑦ, ᑲᓇᑕ
ᖃᕆᑕᐅᔭᒃᑯᑦ ᑕᕐᕆᔭᕈᑎᒥ, ᐱᓕᕆᐊᒃᓴᖃᕐᓂᐊᖅᐳᑎᑦ ᐊᒻᒪ ᑲᒪᒋᔭᒃᓴᖃᕐᓗᑎᑦ. ᑕᐃᒪᓕ ᐱᔭᕇᖅᑕᐅᑦᓇᕆᑦᓯᐊᕈᕕᒋᑦ ᐱᓕᕆᐊᒃᓴᐃᑦ, ᐱᖃᓯᐅᑎᓪᓗᒍ ᖃᕆᑕᐅᔭᒃᑯᑦ ᐱᓐᖑᐊᕈᑎ ᐃᓗᐊᓃᑦᑐᖅ ᑕᕐᕆᔭᒐᐅᑉ, ᐱᔭᕇᖅᐸᓪᓕᐊᓗᒍ ᓴᓇᒐᔭᖅᐳᑎᑦ ᐃᓄᒃᓱᓐᖑᐊᒥᒃ ᖃᕆᑕᐅᔭᒃᑯᑦ, ᑖᓐᓇ ᐅᔭᕋᖕᒥᑦ ᓴᓇᓯᒪᔪᖅ ᓇᓗᓇᐃᕐᓯᔾᔪᑎᐅᓂᐊᖅᑐᖅ ᑕᑯᔪᓐᓇᕐᓂᕆᔭᕐᓂᒃ ᐃᓄᐃᑦ ᖃᐅᔨᒪᔭᑐᖃᖓᑎᒍᑦ ᐊᑐᕐᓗᑎᑦ ᐊᖅᑯᓯᐅᕈᓐᓇᕋᕕᑦ ᐃᓅᓯᕐᒥ ᐊᑐᕐᓂᐊᖅᑕᕐᓂ.
ᐱᕕᒃᓴᖃᖅᐳᒍᑦ ᐃᓘᓐᓇᑕ ᐸᖅᑭᒡᓯᔨᐅᔪᓐᓇᖁᓪᓗᑕ ᓄᓇᒥ. ᐊᖅᑯᑎᒋᓗᒍ ᑖᓐᓇ ᖃᕆᑕᐅᔭᒃᑯᑦ ᐱᑐᒡᕕᐅᔪᖅ, ᖃᐅᔨᓴᐃᔪᓐᓇᖅᐳᑎᑦ ᕿᓂᕈᑎᓂᒃ ᖃᕆᑕᐅᔭᒃᑯᑦ ᑐᓴᒐᒃᓴᐅᔪᓂᒃ ᐃᓄᐃᑦ ᓴᓇᐅᒐᖏᓐᓂᒃ, ᐊᑐᕐᓗᒋᑦ ᖃᕆᑕᐅᔭᒃᑯᑦ ᐊᔾᔨᓕᐅᕈᑎᓄᑦ ᐊᔾᔨᓕᐅᖅᑕᐅᓯᒪᔪᑦ 100-ᖑᔪᑦ ᓴᓇᓐᖑᐊᒐᐃᑦ ᐊᒻᒪ 100-ᖑᔪᑦ ᐊᒥᐊᒐᐃᑦ ᑕᑯᔭᐅᔪᓐᓇᖅᑐᑦ ᐱᐅᔪᐊᓘᓂᖏᓐᓂᒃ, ᐊᒻᒪ ᑕᑯᑎᑦᓯᔪᓐᓇᕐᒥᔪᑦ ᐃᑎᔪᒃᑯᑦ ᐅᐱᒍᓱᖕᓂᖏᓐᓂᒃ ᐊᕙᑎᑦᑎᓐᓂᒃ.
ᕿᓂᖅᑕᐅᔪᓐᓇᕐᒥᔪᖅ ᖃᕆᑕᔭᐅᒃᑯᑦ ᑐᓴᒐᒃᓴᐅᔪᑦ, ᑕᑯᓐᓇᕈᓐᓇᖅᑕᑎᑦ ᓈᓚᒡᓗᒋᓪᓗ ᐃᓐᓇᑐᖃᐃᑦ ᐅᓂᒃᑳᖅᑎᓪᓗᒋᑦ ᑭᕕᐅᑉ ᒥᒃᓵᓄᑦ, ᑖᓐᓇ ᐊᔪᒐᕕᓂᐅᓪᓗᓂ ᐊᒻᒪ ᐊᖓᒃᑯᕕᓂᐅᓪᓗᓂ ᐃᓄᐃᑦ ᐃᓕᓐᓂᐊᖅᑎᑦᓯᔾᔪᓯᖓᑦ ᐅᓂᒃᑳᖅᑐᖅᐊᖅ ᐊᔾᔨᓯᔭᐅᖃᑦᑕᕐᓯᒪᔪᖅ ᖃᓪᓗᓈᑦ ᐅᓂᒃᑳᖅᑐᐊᖓᓐᓂᑦ Homer's Odyssey.
ᑖᓐᓇ ᖃᕆᑕᐅᔭᒃᑯᑦ ᐱᑐᒡᕕᒃ ᐊᓯᖏᓐᓂᒃ ᐅᓄᖅᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓗᓕᖃᖅᑐᖅ, ᑲᐃᕙᓪᓚᒡᓗᑎᑦ ᑕᑯᔪᓐᓇᕋᔭᖅᑕᕐᓂᒃ ᐊᔾᔨᓐᖑᐊᓂᒃ, ᒪᓕᒐᓕᐅᕐᕕᓐᒥᑦ ᓄᓇᕗᑦ ᒐᕙᒪᒃᑯᖏᓐᓂᑦ ᑎᑭᓪᓗᒍ ᐃᑦᑕᕐᓂᓴᕕᓂᑦ ᖃᒻᒪᕕᓂᑦ ᒪᓕᒃ ᕿᑭᖅᑕᖓᓄᑦ.
ᑖᓐᓇ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᒃ ᖃᓪᓗᓈᑎᑑᖓᔪᖅ ᐊᒻᒪ ᐃᓄᒃᑎᑑᖓᓪᓗᓂ, ᐃᓕᓐᓂᐊᒃᑲᓐᓂᕈᓐᓇᕐᓂᐊᖅᐳᑎᑦ ᐃᓄᐃᑦ ᐅᖃᐅᓯᑐᖄᓗᐊᓂᒃ.
ᐱᓕᕆᖃᑕᐅᔪᑦ
ᑖᓐᓇ ᐱᓕᕆᐊᖑᔪᖅ ᑎᑎᕋᕐᓯᒪᔪᑎᒍᑦ ᐱᓕᕆᖃᑎᒌᒍᑎᐅᔪᖅ Acadia University ᐊᑲᐃᑎᐊ ᓯᓚᑦᑐᓴᕐᕕᒡᔪᐊᖓ, drumsong communications inc. ᑕᕐᕆᔭᓕᐅᖅᑎᑦ, the Houston North Gallery ᑕᑯᔭᒐᖃᕐᕕᒃ, ᐱᓕᕆᕕᖓᑦ ᐃᓕᖅᑯᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓐᓇᑐᖃᓕᕆᔨᒃᑯᑦ ᐊᒻᒪ ᒪᒃᑯᒃᑐᓕᕆᔨᒃᑯᑦ ᓄᓇᕗᑦ ᒐᕙᒪᒃᑯᖏᓐᓂ, ᐊᒻᒪᓗ ᐊᑯᓂᐋᓗᒃ ᐱᓕᕆᖃᑕᐅᓪᓗᑎᒃ ᓄᓇᕗᒥᐅᑕᐅᔪᑦ , ᑖᒃᑯᐊ ᓄᓇᕗᒥᒃ ᐊᖏᕐᕋᖃᕐᓂᕋᖅᐸᒃᑐᑦ.
ᑮᓇᐅᔭᖃᖅᑎᑦᓯᓚᐅᖅᑐᑦ ᐱᓕᕆᕕᖓᑦ ᑲᓇᑕᒥ ᐱᖅᑯᓯᑐᖃᓕᕆᔨᒃᑯᑦ ᐊᖅᑯᑎᒋᔭᐅᓪᓗᑎᒃ ᐱᓕᕆᖃᑎᒌᖕᓂᒃᑯᑦ ᑮᓇᐅᔭᖃᖅᑎᑦᓯᓂᖓᑦ ᑲᓇᑕᒥ ᐃᓕᖅᑯᓯᓕᕆᔨᒃᑯᑦ ᖃᕆᑕᐅᔭᒃᑯᑦ ᐱᓕᕆᔾᔪᑎᐅᔪᑦ.
ᐱᑐᒡᕕᑦ:
ᐱᓕᕆᕕᖓᑦ ᐱᖅᑯᓯᑐᖃᓕᕆᔨᒃᑯᑦ, ᑲᓇᑕᐅᑉ ᒐᕙᒪᒃᑯᖏᑦ
ᐱᓕᕆᕕᖓᑦ ᐃᓕᖅᑯᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓐᓇᑐᖃᓕᕆᔨᒃᑯᑦ ᐊᒻᒪ ᒪᒃᑯᒃᑐᓕᕆᔨᒃᑯᑦ
ᐊᑲᐃᑎᐊ ᓯᓚᑦᑐᓴᕐᕕᒡᔪᐊᖓ
ᕼᐅᔅᑕᓐ ᐅᑭᐅᖅᑕᖅᑐᕐᒥᐅᑦ ᑕᑯᔭᒐᖃᕐᕕᖓᑦ
ᕿᓚᐅᔾᔭᕐᕙᓗᒃ ᑕᕐᕆᔭᓕᐅᖅᑎᑦ ᑎᒥᖓᑦ
ᐱᖓᖕᓇᖓᑕ ᕿᑭᖅᑖᓘᑉ ᐃᓄᐃᑦ ᑯᐊᐸᖓᑦ
Adventure Canada
Nunavut @ Five Symposium ᓄᓇᕗᒥ ᑲᑎᒪᕐᔪᐊᕐᓂᖅ
ᑐᓴᕆᐊᕐᕕᐅᔪᓐᓇᖅᑐᑦ:
ᑐᓴᕆᐊᒃᑲᓐᓂᕈᒪᒍᕕᑦ ᐅᑯᓂᖓ ᑐᓴᖅᑎᑦᑎᓗᑎᑦ:
Dr. Cynthia J. Alexander
Presidential Fellow in Engaged Learning
Department of Political Science
Room 221, Beveridge Arts Center
Acadia University
Wolfville , Nova Scotia
ᐅᖄᓚᐅᑦ: 902 585 1451
ᓱᒃᑲᔪᒃᑯᑦ: 902 585 1070
ᖃᕆᑕᐅᔭᒃᑯᑦ: cynthia.alexander@acadiau.ca