"Men Hunting Animals" by Jessie Oonark
ᐱᖓᓱᑦ ᕿᓂᖅᑕᐅᔪᓐᓇᖅᑐᑦ ᖃᕆᑕᐅᔭᒃᑯᑦ ᑐᓴᒐᒃᓴᖁᑎᓂ ᐃᓕᑉᐹᓪᓕᖁᑕᐅᔪᓐᓇᖅᑐᑦ ᐃᓄᐃᑦ ᐃᓕᖅᑯᓯᖏᑕ ᐱᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ, ᖃᐅᔨᒪᓂᖏᓐᓂᒃ: ᑖᒃᑯᐊ ᐃᓐᓇᑐᖃᐃᑦ ᑭᕕᐅᑉ ᒥᒃᓵᓄᑦ ᖃᕆᑕᐅᔭᒃᑯᑦ ᑐᓴᒐᒃᓴᖁᑎᒋᔭᐅᔪᑦ; ᐃᓄᐃᑦ ᓴᓇᓐᖑᐊᒐᖏᑦ ᖃᕆᑕᐅᔭᒃᑯᑦ ᑐᓴᒐᒃᓴᖁᑎᒋᔭᐅᔪᑦ; ᐃᓄᐃᑦ ᑎᑎᖅᑐᒐᖏᑦ ᖃᕆᑕᐅᔭᒃᑯᑦ ᑐᓴᒐᒃᓴᖁᑎᒋᔭᐅᔪᑦ.
ᐃᓐᓇᐃᑦ ᑭᕕᐅᑉ ᒥᒃᓵᓄᖅ ᖃᕆᑕᐅᔭᒃᑯᑦ ᑐᓴᒐᒃᓴᖁᑎᖏᑦ
ᑕᕐᕆᔭᒐᒃᓴᓕᐅᖅᑎ ᔮᓐ ᕼᐃᐅᔅᑕᓐ ᐃᓅᓚᐅᕐᓯᒪᔪᖅ ᐊᒻᒪ ᐱᕈᕐᓴᓪᓗᓂ ᑭᓐᖓᕐᓂ ᓄᓇᕗᒥ. ᐅᑭᐅᖅᑕᖅᑐᕐᒥᐅᑕᑦ ᐊᔾᔨᓕᐊᕆᖃᑦᑕᖅᑕᖏᑦ ᖁᕕᐊᓱᒍᑎᖃᖅᐳᑦ ᐃᓄᐃᑦ ᐃᓕᖅᑯᓯᖏᓐᓂᒃ ᐊᒻᒪ ᐱᐅᖅᑯᓯᖏᓐᓂᒃ. ᔮᓐ ᕿᑐᕐᖓᑐᐊᕆᔭᐅᓚᐅᕐᓯᒪᔪᖅ ᑐᓴᕆᐅᕐᖅᑎᓪᓗᒍ ᐅᓂᒃᑳᖅᑐᐊᕐᒥᒃ ᐊᑖᑕᒥᓂᑦ, ᔭᐃᒥᔅ ᕼᐃᐅᔅᑕᓐᒥᑦ, ᑖᓐᓇ ᐃᓄᐃᑦ ᓴᓇᓐᖑᐊᒐᖏᓐᓂᒃ ᐊᔭᐅᖅᑐᐃᔾᔪᑎᖃᓚᐅᕐᓯᒪᔪᖅ ᐃᓄᐃᓪᓗ ᓴᓇᓐᖑᐊᒐᖏᓐᓂᒃ ᓄᓇᕐᔪᐊᕐᒧᑦ ᑕᑯᔭᐅᑎᑦᓯᓪᓗᓂ. ᔮᓐ ᒫᓐᓇᕋᑖᖑᓚᐅᖅᑐᖅ ᐅᓂᒃᑳᓕᐅᕈᒪᓕᓚᐅᕐᒥᖕᒪᑦ ᐃᓄᖕᒥᒃ ᐱᓯᑎᒻᒪᕆᕕᓂᕐᒥᒃ, ᑭᕕᐅᕐᒥᒃ, ᑖᓐᓇ ᐅᓂᒃᑳᖅᑐᖅᐊᖅ ᐊᓯᐅᓕᒑᓕᓚᐅᖅᑐᖅ ᐃᓱᖃᖏᑦᑐᒧᑦ. ᐱᔾᔪᑎᒋᓪᓗᒍ ᐃᓐᓇᑐᖃᐅᔪᑦ ᖃᐅᔨᒪᔪᑦ ᐅᓂᒃᑳᖅᑐᐊᕐᒥᒃ ᐃᓅᔪᓐᓃᖅᐸᓪᓕᐊᓕᕐᒪᑕ ᓱᒃᑲᔪᒻᒪᕆᒃᑯᑦ. ᔮᓐ ᓴᓇᒋᐊᖅᐸᓪᓕᐊᓕᓚᐅᖅᑐᖅ ᐊᔾᔨᓕᐊᒥᓂᒃ ᑭᕕᐅᕐᒥᒃ ᐊᔾᔨᓕᐅᕆᖃᑦᑕᕐᖢᓂ ᐊᐱᖅᓱᕐᖢᒋᑦ ᐃᓐᓇᑐᖃᐃᑦ, ᓄᕕᐱᕆ 2004-ᖑᑎᓪᓗᒍ. ᐃᓐᓇᑐᖃᐃᑦ ᓄᓇᕗᒥᓐᖔᖅᑐᑦ ᐊᐱᕐᓱᖃᑦᑕᓚᐅᖅᑕᖏᑦ ᐃᑲᕐᕋᑦ 100-ᖏᓐᓃᑦᑐᓄᑦ ᐊᔾᔨᓕᐅᕐᓯᓪᓗᓂ. ᐃᓚᖏᑦ ᐃᓐᓇᑐᖃᐃᑦ ᐅᓂᒃᑳᖃᑦᑕᓚᐅᖅᑐᑦ ᐃᖅᑲᐅᒪᔭᒥᖕᓂᒃ ᐅᓂᒃᑳᖅᑐᐊᕐᒥᒃ ᑭᕕᐅᕐᒥᒃ ᓯᕗᓪᓕᖅᐹᒥ ᐅᓂᒃᑲᐅᓯᕆᓪᓗᒍ ᐊᕐᕌᒍᒐᓴᖕᓄᑦ ᐅᓂᑳᕆᓚᐅᕐᓇᒍ, ᑕᐃᒪᓐᖓᑦ ᐊᔪᕆᕐᓱᐃᔨᑦ ᑎᑭᒻᒪᑕ ᐅᓂᑳᖅᑐᐊᖅ ᐊᑐᖁᔭᐅᔪᓐᓂᓚᐅᕐᒪᑦ ᐃᓕᓴᐅᑕᐅᖁᔭᐅᓇᓂ. ᑖᒃᑯᐊ ᐊᔾᔨᓕᐅᕐᓯᒪᔪᑦ ᐃᓐᓇᑐᖃᐅᔪᑦ ᑐᓴᖅᑎᑦᑎᓚᐅᖅᑐᑦ ᔮᓐᒥᒃ ᐊᔾᔨᓕᐅᕐᓂᐊᖅᑕᖓᓂᒃ ᑭᕕᐅᕐᒥᒃ, ᑖᓐᓇᓗ ᑕᕐᕆᔭᒐᐅᔪᖅ ᓴᖅᑭᑕᐅᓚᐅᖅᑐᖅ ᐅᑭᐅᖓᓂ 2007ᑉ ᑖᒃᑯᐊ ᐱᑕᖃᕐᒥᔪᑦ ᖃᕆᑕᐅᔭᒃᑯᑦ ᓄᐊᑕᐅᓯᒪᔪᓂ ᑐᓴᒐᒃᓴᓂ.
ᕼᐃᐅᔅᑕᓐᑯᑦ ᐅᑭᐅᑕᖅᑐᕐᒥᐅᓄᑦ ᑕᑯᔭᒐᖃᕐᕕᖓ ᓗᓂᓐᐳᒃ, ᓄᕙᓯᑰᓴᒥ, ᐅᓄᖅᑐᒻᒪᕆᖕᓂᒃ ᓄᐊᑦᓯᓯᒪᔪᑦ ᐃᓄᐃᑦ ᓴᓇᓐᖑᐊᒐᖏᓐᓂᒃ. 100-ᖑᔪᑦ ᐊᔾᔨᓐᖑᐊᑦ ᖃᕆᑕᐅᔭᒃᑰᕈᓐᓇᖅᑐᒧᑦ ᐊᔾᔨᓕᐅᖅᑕᐅᓯᒪᔪᑦ, ᐃᓚᖏᑦ ᐊᑐᖅᑐᑦ ᑲᐃᕙᓪᓚᒃᓯᒪᔪᒃᑯᑦ ᑕᑯᔪᓐᓇᕐᓗᒋᑦ ᐊᔾᔨᓐᖑᐊᑦ, ᐊᒻᒪ ᕿᓂᖃᓯᐅᑎᔭᐅᔪᓐᓇᖅᑐᑦ ᑕᐃᑲᓂ ᖃᕆᑕᐅᔭᒃᑯᑦ ᑐᓴᒐᒃᓴᖁᑎᒋᔭᐅᔪᓂ ᓄᐊᑕᐅᓯᒪᔪᓂ.
ᕼᐃᐅᔅᑕᓐᑯᑦ ᐅᑭᐅᑕᖅᑐᕐᒥᐅᓄᑦ ᑕᑯᔭᒐᖃᕐᕕᖓ ᓗᓂᓐᐳᒃ, ᓄᕙᓯᑰᓴᒥ, ᐅᓄᖅᑐᓂᒃ ᐃᓄᐃᑦ ᓴᓇᓐᖑᐊᒐᖏᓐᓂᒃ ᓄᐊᑦᓯᓯᒪᔪᑦ. 100-ᖑᔪᑦ ᐃᓄᐃᑦ ᑎᑎᖅᑐᒐᖏᑦ ᖃᕆᑕᐅᔭᒃᑰᕈᓐᓇᖅᑐᒧᑦ ᐊᔾᔨᓕᐅᖅᑕᐅᓯᒪᔪᑦ ᐊᒻᒪ ᕿᓂᖃᓯᐅᑎᔭᐅᔪᓐᓇᖅᑐᑦ ᑕᕝᕙᓂ ᖃᕆᑕᐅᔭᒃᑯᑦ ᑐᓴᒐᒃᓴᓂ ᓄᐊᑕᐅᓯᒪᔪᓂ.