Andrew Dunford 3
ᐄᖃᓗᖕᓂᓕ, ᐊᕐᕌᒍᑐᐃᓐᓇᖅ ᖄᖏᖅᑎᓪᓗᒍ ᓯᕗᓪᓕᖅᐹᖓᓂ ᐱᓇᓱᐊᕈᓯᕐᒥ ᔪᓚᐃᖑᑎᓪᓗᒍ ᓄᓇ ᑐᖑᔪᖅᑐᒻᒪᕆᐅᓕᓚᐅᖅᑐᖅ ᑕᑯᒋᐊᖅᑕᒃᑲᓂ, ᐊᒻᒪᓗ ᐱᓇᓱᐊᕈᓰᖕᓂ ᒪᕐᕉᓂ ᑐᖑᔪᐊᖓᒻᒪᕆᓕᕆᓪᓗᓂ ᐱᔾᔪᑎᒋᓪᓗᒋᑦ ᐸᐅᓐᓇᐃᑦ. ᑕᒪᒃᑯᐊ ᓯᐊᒻᒪᒃᑎᖅᐊᓪᓕᐊᔪᒻᒪᕆᐊᓗᐃᑦ, ᐊᒻᒪ ᐆᓇᖅᓯᕙᓪᓕᐊᔫᔮᖅᑐᓂ ᐊᒻᒪᓗ ᐱᕈᖅᓯᐊᑦ ᐃᓂᓪᓚᒃᓴᕋᐃᓐᓂᖅᓴᐅᓪᓗᑎᒃ, ᓂᕿᖃᕐᓂᖅᓴᐅᓪᓗᑎᒃ. ᐃᖃᓗᐃᑦ ᑐᖑᔪᕐᓂᖅᓴᒻᒪᕆᐅᓕᖅᑐᓂ ᐊᒻᒪᓗ ᑕᒪᒃᑯᐊ ᐃᕝᒃᓱᑲᑐᐃᓐᓴᐅᒐᑎᒃ − ᒫᓐᓇ ᐱᕈᕈᓐᓇᓕᖅᑐᑦ ᑕᒫᓂ. ᑕᐃᒪᑦᑕᐅᖅ ᐅᔾᔨᕆᔭᕋ ᐃᓚᖓᑦ, ᐃᖅᑲᓇᐃᔭᖃᑎᒐ ᓇᒃᓴᓚᐅᕐᒪᑦ ᐃᒍᑦᓴᒻᒪᕆᐅᓐᖏᑦᑐᑦ ᐅᓪᓗᖓᓂᒃ. ᑐᓴᖅᓯᒪᔪᖓ ᑕᒪᒃᑯᐊ ᐃᒍᑦᓴᐅᔭᐃᑦ ᓂᐅᓂᑯᑦ ᐅᒥᐊᕐᔪᐊᒥᒃ ᐊᐅᔭᒃᑯᑦ ᑭᓯᐊᓂ ᐊᑯᓂ ᐃᓅᔪᓐᓇᖏᑦᑐᑦ. ᑖᓐᓇ ᐅᓪᓗᖓ, ᑕᑯᒃᓴᐅᑎᑦᓯᔪᖅ ᓂᐅᒍᓐᓇᓚᐅᕐᓂᖏᓐᓂᒃ ᐅᒥᐊᕐᔪᐊᒥᒃ, ᐆᓇᔪᖕᓂᖓᓄᑦ, ᓂᖅᑭᓴᖃᕐᓂᕐᒥᓄᑦ ᐊᒻᒪᓗ ᐅᓪᓗᓕᐅᕈᓐᓇᓕᕐᓂᕐᒥᓄᑦ.