Kyra Fisher 3
ᐅᔾᔨᕆᓗᐊᖅᑕᒃᑲ ᓱᕈᓰᑦ, ᓲᕐᓗ ᐃᓄᐃᑦ ᐃᓕᖅᑯᓯᖏᓐᓂ ᐃᓕᓐᓂᐊᖅᑎᑦᓯᑦᓴᐃᓐᓇᕆᐊᑐᓐᖏᑦᑐᖅ ᑭᓱᒥᒃ ᓴᓇᓂᐊᕐᓗᓂ. ᐃᓄᐃᑦ ᐃᓕᑉᐸᒃᑐᑦ ᑕᐅᑐᖕᓂᒃᑯᑦ. ᑕᐃᒪᐃᒻᒪᑦ ᐊᒥᓲᔪᑦ ᓱᕈᓰᑦ ᕿᒥᕐᕈᐊᖅᐸᒃᑐᑦ ᐃᓚᒥᓂᒃ, ᐊᖓᔪᖅᑳᒥᓂᒃ ᓴᓇᓐᖑᐊᖅᑐᓂᒃ ᐊᒻᒪᓗ ᓴᓇᓐᖑᐊᖅᐸᒃᑐᑎᒃ ᐊᒻᒪᓗ ᑎᑎᕋᐅᔭᓐᖏᓐᓂᖅᓴᐅᓪᓗᑎᒃ ᑭᓯᐊᓂ ᓴᓇᓐᖑᐊᖅᑐᒻᒪᕇᑦ, ᑕᒪᑐᒨᓇ ᐊᒻᒪᓗ ᓱᕈᓰᑦ ᐃᓕᓐᓂᐊᖅᑐᑦ, ᐃᓕᑉᐸᓪᓕᐊᓪᓗᑎᒡᓗ ᓇᖕᒥᓂᖅ ᐊᒻᒪᓗ ᓇᖕᒥᓂᖅ ᒪᑭᒪᓪᓗᑎᒃ ᐱᔾᔪᑎᒋᓪᓗᒍ ᓂᐅᕈᑎᖃᕆᐊᖅᑐᖅᐸᖕᒪᑕ ᓇᖕᒥᓂᖅ ᓴᓇᓐᖑᐊᖅᑕᕕᓂᕐᒥᓂᒃ ᐃᒡᓗᓄᑦ ᐳᓚᕋᑦᑐᑎᒃ. ᑕᒪᓐᓇ ᐃᓕᓐᓂᐊᖅᑎᑦᓯᕙᒃᑐᑦ ᐃᓚᖓᒍᑦ ᓂᐅᕈᑎᖃᕋᓱᐊᕐᓂᕐᒥᑦ. ᐊᒻᒪᓗ ᐃᓱᒪᔪᖓ ᑕᒪᒃᑯᐊ ᑎᑎᖅᑐᒐᖅᑏᑦ, ᓴᓇᓐᖑᐊᖅᑏᑦ ᖃᓪᓗᓈᓅᕌᖓᒥᒃ ᐊᒻᒪᓗ ᑕᑯᒑᖓᒥᒃ ᖃᓄᖅᑎᒋ ᖃᐅᔨᒪᔭᐅᓂᕐᒥᓂᒃ ᑐᓐᖓᓱᒃᑎᑕᐅᓂᕐᒥᓂᒃ, ᐅᑎᖅᐸᒃᑐᑦ ᐅᐱᒋᓂᖅᓴᐅᓕᖅᑐᑎᒃ ᐃᖕᒥᓂᒃ ᖃᓄᐃᓕᐅᕐᓂᕐᒥᓄᑦ. ᐊᒻᒪᓗ ᐱᐅᒋᐅᔭᐅᒻᒪᕆᖕᒪᑕ ᐃᓄᐃᑦ ᓴᓇᓐᖑᐊᕈᑎᓯᖏᑦ, ᑎᑎᖅᑐᒐᕈᓯᖏᑦ ᐊᒻᒪ ᓇᖕᒥᓂᖅ ᐃᓄᐃᑦ.