Kyra Fisher 4

ᐃᓄᒃᑕᖃᐅᖅᑰᖅᑐᖅ ᐃᓚᖏᓐᓂᒃ ᐅᓪᓗᓕᒫᖅᑕᖅᑐᓂᒃ ᐃᓅᒐᓱᐊᕈᑎᖃᖅᑐᑦ. ᐊᓯᖏᑦᑕᐅᖅ ᓴᓇᓐᖑᐊᖅᑏᑦ ᒪᒃᑯᖕᓂᖅᓴᑦ ᓲᕐᓗ, ᐃᓕᓐᓂᐊᕆᐊᖃᑦᑕᖅᑐᑦ ᐊᒻᒪᓗ ᓴᓇᓐᖑᐊᖅᐸᒃᑐᑎᒃ ᑮᓇᐅᔭᖃᕈᑎᒋᓂᐊᖅᑕᒥᓂᒃ. ᑭᓯᐊᓂ ᐃᓕᑉᐸᓪᓕᐊᔪᑦ ᓴᓇᓐᖑᐊᕆᐅᖅᓴᓂᕐᒥᑦ ᐊᒻᒪᓗ ᖃᐅᔨᒪᓇᓐᖏᒻᒪᑦ ᖃᖓᐅᓕᖅᐸᑦ ᐱᓕᕆᐊᕇᓐᓇᓕᕋᔭᕐᓂᖏᓐᓂ. ᐊᓯᖏᑦᑕᐅᖅ,, ᐃᓱᒪᒋᔭᕋ ᒫᓐᓇ ᐱᑦᓯᐅᓛᖅ ᓂᕕᐊᖅᓯ. ᑖᓐᓇ ᐊᔪᓐᖏᓐᓂᖅᐹᖅ ᑎᑎᖅᑐᒐᕐᓂᒃ ᐊᒥᐊᕆᓂᕐᒥᑦ ᑭᓯᐊᓂ ᐊᐅᔭᒃᑯᑦ ᐊᐅᓪᓚᖅᐸᖕᒪᑦ. ᑎᑎᖅᑐᒐᓕᐅᕈᓐᓂᖃᑦᑕᓚᐅᖅᑐᖅ ᒪᐃᒥ ᐊᒻᒪᓗ ᒫᓐᓇᖃᐃ ᐅᑎᖅᓯᒪᓕᖅᑐᖅ. ᒪᐃᒥᒃ ᑎᑭᒐᓱᐊᕐᓂᖓᓂ ᐊᒃᑑᕝᕙ ᓄᓇᑐᐃᓐᓇᕐᒥᐅᑕᐅᕙᒃᑐᖅ. ᓄᑖᒥᓪᓗ ᐅᒥᐊᖅᑖᖅᑐᓂ, ᐊᖑᓇᓱᐊᖅᐸᓕᖅᑐᖅ, ᐃᖃᓪᓕᐊᖅᑐᓂᓗ ᐊᒻᒪᓗ ᖃᑕᓐᖑᑎᓂ ᐊᐅᓪᓛᕈᑎᕙᒃᑐᒋᑦ. ᑕᐃᒪᓐᓇᐃᓕᐅᖅᑐᓂ, ᓴᓇᓐᖑᐊᖅᐸᖕᒥᔪᖅ ᐊᒻᒪᓗ ᓴᓇᓐᖑᐊᕐᓂᕐᒥᓄᑦ ᒪᑭᐅᒪᒍᓐᓇᖃᑦᑕᖅᑐᖅ. ᑮᓇᐅᔭᓕᐅᕐᓂᖅᓴᐅᕙᒃᑐᖅ ᓴᓇᓐᖑᐊᒐᕐᓄᑦ ᑭᓯᐊᓂ ᐅᑭᐅᒃᑯᑦ ᐃᖅᑲᓇᐃᔮᖃᑐᐃᓐᓇᕈᒪᕙᓪᓚᐃᔪᖅ, ᖃᐅᑕᒫᑦ ᐅᐸᖃᑦᑕᕐᓂᐊᖅᑕᒥᓂᒃ, ᐃᖅᑲᓇᐃᔭᕐᓗᓂ 9-ᒥᑦ ᑎᑭᓪᓗᒍ 5-ᒧᑦ, ᑎᑎᖅᑐᒐᓕᐅᖅᑐᖃᕆᐊᖃᓕᕌᖓᓪᓗᓐᓂᑦ. ᑕᐃᒪᐃᒻᒪᑦ ᑖᒃᑯᐊ ᒪᕐᕈ ᐃᓅᓰᒃ ᓯᕗᒻᒧᐊᒃᑎᑦᓯᐊᖅᑐᒋᑦ. ᐱᖓᓱᖅᑲᐃ, ᒪᕐᕉᒡᓗᓐᓂᑦ. ᓱᕈᓯᕐᓄᑦ ᑲᓱᒃᑐᖅᑕᐅᕙᒃᑐᖓ ᐊᐱᖅᓱᖅᑐᑦ ᓂᐅᕕᕈᒪᖕᒪᖔᕐᒪ ᓇᓄᓐᖑᐊᓂᒃ ᐊᓯᓐᓂᓪᓗᓐᓂᑦ. ᖁᕕᐊᒋᑦᓯᐊᖅᑕᒃᑲ ᓱᕈᓰᑦ ᓴᓇᓐᖑᐊᒐᖏᑦ. ᓄᑖᖑᑦᓯᐊᖅᑐᑎᒃ ᑕᐅᑦᑐᖏᑦ ᐊᒻᒪᓗ ᑭᓱᑐᐃᓐᓇᐅᓪᓗᑎᒃ.

ᓄᓇᓕᖕᓂ ᓂᐲᑦ