Kyra Fisher 9
ᑎᑎᖅᑐᒐᒐᒃᓴᓂᒃ ᓴᖅᑭᑦᑎᑲᐅᑎᒋᔭᖅᑐᑦ. ᐊᒻᒪᓗ ᐱᔾᔪᑎᒋᓪᓗᒍᑦᑕᐅᖅ ᐃᓕᓐᓂᐊᖅᑎᑦᓯᓚᐅᕋᒪ ᑎᑎᖅᑐᒐᕐᓂᒃᒥᒃ, ᐅᔾᔨᕈᓱᓲᖑᒐᒪ ᖃᓄᖅ ᐃᓄᐃᑦ ᑎᑎᖅᑐᒐᕈᓯᖏᓐᓂᒃ. ᓱᕕᓇᐃᓕ ᐊᑐᖃᑦᑕᖅᑐᖅ ᑖᑦᓱᒥᖓᑦᓴᐃᓐᓇᖅ. ᑎᑎᕋᐅᔭᖅᐸᖅᑐᑦ ᑎᒥᓕᒫᕐᒥᓂᒃ, ᐃᓛᓐᓂᒃᑯᑦ ᕿᕐᓂᖅᑕᐅᓪᓗᓂ, ᖃᖁᖅᑕᐅᓪᓗᓂᓗ, ᐃᓛᓐᓂᒃᑯᑦ ᐊᒥᐊᖅᓯᒪᕙᒃᑐᓂ ᐊᒻᒪᓗ ᓲᕐᓗ ᐊᒥᐊᒐᒃᓴᓂᒃ ᓴᓇᔪᖅ. ᖃᒪᓂᑦᑐᐊᕐᒥᓕ ᑕᑯᖃᑦᑕᓚᐅᖅᑐᖓ ᐃᓚᖏᓐᓂᒃ ᑎᑎᖅᑐᒐᖅᑎᓂᒃ. ᐱᔾᔪᑎᒋᓪᓗᒋᑦ ᐱᒋᐊᖃᑦᑕᓚᐅᕐᒪᑕ ᐱᖅᑯᓯᑐᖃᕐᓂᒃ ᓇᑲᑎᒻᒪᕆᒃᑐᒋᑦ ᐊᕙᓗᒋᓂᐊᖅᑕᖏᑦ, ᒥᖅᓱᕐᓗᒋᑦ ᑐᑐᕋᔭᒃ ᐊᓐᓄᕌᓄᑦ, ᖃᓄᖅ ᑎᑎᕋᐅᔭᖅᐸᖕᓂᖏᑦ ᑕᒪᑯᓂᖓ ᑕᑯᒃᓴᐅᑎᑦᓯᔪᑦ. ᓇᑲᑎᕆᒻᒪᕆᒃᐸᒃᑐᑦ ᐸᐃᑉᐹᓂᒃ ᐃᑦᓯᕐᕕᓕᐊᕆᓯᒪᔪᓂᒃ ᐊᒻᒪᓗ ᐃᓕᓪᓗᒋᑦ ᐸᐃᑉᐹᒧᑦ, ᑎᑎᕋᐅᔭᓕᑕᐃᓐᓇᖅᑐᒍ. ᑕᒪᒃᑯᐊ ᐊᕙᓗᖏᑦ ᐱᔭᐅᕙᒃᑐᑦ ᑎᑎᖅᓯᓂᖏᑦ ᐊᕙᓗᓕᖅᒪᔪᒥᒃ ᑕᒪᓐᓇ ᑕᑯᒥᓇᓐᖏᑦᑐᖅ, ᐱᔾᔪᑎᒋᓪᓗᒍ ᐃᓄᐃᑦ ᐱᒋᐊᕈᑎᖃᖅᐸᖕᒪᑕ ᑎᑎᕋᕆᐊᖅᑐᑎᒃ. ᑎᑎᕋᕆᐊᓯᕙᒃᑐᑦ ᓇᑲᑎᖅᓯᒪᔪᒥᒃ, ᐃᓛᓐᓂᒃᑯᑦ ᑕᐃᒪᓐᓇ ᓴᖅᑭᑎᑦᓯᕙᒃᑐᑦ. ᐅᖃᓐᖏᖅᑐᖓ ᑕᐃᒪᓐᓇᐃᓕᐅᖏᓐᓇᕐᓂᖏᓐᓂᒃ ᑭᓯᐊᓂ ᐅᔾᔨᕆᒻᒪᕆᓚᐅᕋᒃᑯ.