ᐄᓱᒪᔪᖓ ᑕᒪᒃᑯᐊ ᐃᓘᓐᓇᑎᒃ ᑲᑕᔾᔭᖅᑏᑦ ᐊᒻᒪᓗ ᕿᓚᐅᔾᔭᖅᑏᑦ ᐅᖃᓕᒪᑦᓯᐊᕐᒪᑕ ᐊᒻᒪᓗ ᓇᓗᓇᓐᖏᑦᓯᐊᖅᑐᓂ ᓇᓂᓯᕙᒃᑐᑦ ᓴᓐᖏᓂᐅᔪᒥᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᒻᒪᓗᐊᓯᓐᓂ ᐃᓕᖅᑯᓯᖃᑎᒌᓐᖏᑦᑐᓂ ᑕᒪᓐᓇ ᐅᑎᖅᐸᓪᓕᐊᔪᖅ. ᐄ, ᓇᓗᓇᓐᖏᑦᓯᐊᖅᑑᔮᖅᑐᖅ ᐅᑎᖅᐸᓪᓕᐊᓂᖅᑕᖃᕐᓂᖓᓂᒃ ᐊᒻᒪᓗ ᑕᒪᒃᑯᐊ ᐱᒻᒪᕆᐅᓪᓗᑎᒃ ᐊᒻᒪᓗ ᑕᑯᒃᓴᐅᖃᑦᑕᕐᓂᖏᑦ ᐃᓐᓇᑐᖃᐃᑦ ᐃᓕᓐᓂᐊᕐᕝᖕᒥ ᓴᖅᑭᓯᒪᓕᕐᒪᑦ ᐊᕐᕌᒍᓂᒃ 25-ᓂᒃ ᐊᒻᒪᓗ ᐱᐅᒻᒪᕆᒃᑐᓂ. ᒪᓂᒪᓂᖏᑦ ᐃᓕᓴᐃᔩᑦ ᐃᓄᒻᒪᕇᑦ ᐊᒻᒪᓗ ᐅᖃᕈᓐᓇᖅᑐᑦ ᐃᓄᒃᑎᑐᑦ ᐱᐅᔪᒻᒪᕆᐅᖃᑕᐅᔪᖅ, ᑕᒪᒃᑯᐊᓕᒫᖅ ᐱᐅᔪᒥᒃ ᖃᐅᔨᔾᔪᑕᐅᖕᒪᑕ ᑲᑎᑉᐸᓪᓕᐊᓂᖏᓐᓂᒃ, ᐊᑐᕈᓐᓇᕐᓗᑎᒃ ᑕᐃᒪᓐᓇ ᐃᑲᔪᖅᑕᐅᒍᓐᓇᕈᑎᓂᒃ ᓱᕈᓯᕐᓄᑦ ᐅᓪᓗᒥ ᐃᒻᒪᖄ ᐊᑐᕈᓐᓴᓚᐅᓐᖏᑕᒥᓂᒃ. ᑕᑯᒃᓴᐅᔪᖃᖅᑐᖅ ᓂᕈᒍᑎᒃᓴᑦᓯᐊᕙᖕᓂᑦ ᐱᔾᔪᑎᒋᓪᓗᒍ ᑕᒪᓐᓇ, ᑭᓯᐊᓂ ᐱᓕᕆᐊᒃᓴᖅᑕᖃᒃᑲᓐᓂᖅᑐᖅ. ᐃᓐᓇᑐᖃᐃᑦ ᐃᑲᔪᖅᑕᐅᔾᔪᑎᒃᓴᓗᐊᓐᖏᑦᑐᑦ ᓱᓕ ᐊᒻᒪᓗ ᖃᓄᑭᐊᖅ ᖃᐅᔨᒪᓂᖏᑦ ᐃᒃᐱᒋᔭᐅᑦᓯᐊᕆᐊᓖᑦ ᐊᒻᒪᓗ ᒪᓕᒃᑕᐅᓗᑎᒃ.