Siassie Kenneally 3

ᓴᓇᓐᖑᐊᖅᑎᐅᒍᒪᓕᓚᐅᖅᑐᖓ ᓂᕈᐊᖅᑐᒍ, ᐱᕈᖅᐸᓪᓕᐊᑎᓪᓗᖓ ᐊᑖᑕᒪ ᐅᖃᓕᒪᕕᒌᓐᓇᖃᑦᑕᓚᐅᕐᒪ ᓇᒥᑐᐃᓐᓇᖅ ᐊᒻᒪᓗ ᐅᖃᓕᒪᐅᑎᓪᓗᓂᖓ ᐳᐃᒍᖅᑕᐃᓕᔾᔭᐃᖅᑎᖃᑦᑕᓚᐅᖅᑖᖓ ᓄᓇᐃᑦ ᓇᒦᓐᓂᖏᓐᓂᒃ, ᓇᒧᑐᐃᓐᓇᖅ ᐊᐃᑎᒐᐃᖕᒫᖓ ᐳᐃᖑᖅᑕᐃᓕᖁᓪᓗᖓ. ᑕᕆᐅᕐᒥ, ᐊᒻᒪᓗ ᐆᒪᔪᓕᒫᑦ ᑕᐅᓇᓂᑦᑐᑦ. ᐅᓗᕆᐊᓇᖅᑐᖃᐅᕐᒥᔪᖅ ᐆᒪᔪᕐᓂᒃ, ᑎᖕᒥᐊᖃᐅᖅᑐᖅ, ᐳᐃᔨᖃᐅᖅᑐᖅ, ᑐᒃᑐᖃᖅᑐᖅ, ᓇᓄᖃᖅᑐᖅ, ᑎᕆᒐᓂᐊᖃᖅᑐᖅ. ᑕᐃᒍᕕᐅᒃ ᐱᑕᖃᖅᑐᖅ, ᒪᕐᕉᖕᓂᑦ ᐆᒪᔪᓂᒃ ᑕᑯᓯᒪᔪᖓ ᓄᓇᕐᔪᐊᒥ ᑭᓯᐊᓂ ᐊᓯᖏᑦᑕᐅᖅ. ᓂᕿᑐᖅᑐᖅᑎᑕᖃᐅᕐᒪᑦ ᐊᒻᒪᓗ ᓂᕆᔭᒃᓴᖅᑕᖃᐅᕐᒪᑦ. ᐊᖑᑕᐅᓂᖏᑦ ᑕᑯᒥᓇᕐᓂᖅᓴᐅᓪᓗᑎᒃ ᐊᒻᒪᓗ ᐊᕐᓇᐅᓂᖏᑦ ᓂᕕᐅᖅᑐᒻᒪᕇᑦ, ᓴᐳᔾᔨᒐᓱᐊᖅᑐᒻᒪᕆᐅᓪᓗᑎᒃ ᕿᑐᓐᖓᒥᓂᒃ, ᐱᖃᑎᒋᓪᓗᒍ ᐊᐃᑉᐸᓂ. ᐊᒻᒪᓗ ᐊᕐᓇᖏᑦ ᐸᖅᑭᔨᐅᓪᓗᑎᒃ ᖃᑕᓐᖑᑎᒥᓂᒃ, ᐊᐃᑉᐸᓂ ᐃᑲᔪᖅᑎᒋᓪᓗᒍ. ᐊᒻᒪᓗ ᐃᓂᒥᓂᒃ ᓴᐳᔾᔨᒃᑲᒻᒪᕆᐅᓪᓗᑎᒃ, ᓴᐳᔾᔨᓯᒪᒐᓱᐊᕐᓂᖏᑦ ᐃᒃᐱᒋᔭᐅᑦᓯᐊᕆᐊᖃᖅᑐᑦ, ᐱᓗᐊᖅᑐᒥᒃ ᓂᕐᔪᑏᑦ, ᑕᐃᒪᐃᒻᒪᑦ ᐊᑖᑕᒪ ᐃᓕᓐᓂᐊᖅᑎᓚᐅᖅᑖᖓ ᑕᒪᒃᑯᓂᖓ ᐆᒪᔪᕐᓂᒃ, ᓯᓚᓕᕆᓂᕐᒥᒃ, ᕿᒥᕐᕈᓂᕐᒥᒃ ᓄᕗᔭᓂᒃ.

ᓄᓇᓕᖕᓂ ᓂᐲᑦ